Blogger me custom permalink kya hai, iski settings kaise kare

Share:
Dear friends, aaj ham jaanenge ki blogger mein jab ham koi new post likhte hain to is post ka URL apne manpasand dhang se kaise set karte hain. Ham ye bhi janenge ki blogger mein custom permalink aur automatic permalink url kya hota hai aur iski setting kaise ki jaati hai. Friends, yah custom permalink bhi onpage seo ka ek important bhag hai jiski setting kar ham apne blog ko seo friendly bana sakte hain aur search engines se jyada organic traffic drive kar sakte hain.

Blogger Blog me Custom Permalink ki setting


Doston, kisi bhi blogger ke liye kewal post likh dena hi kaafi nahi hota. Jab tak ham apne likhe gaye post ko search engines ke mutabik yani uske anukul ya dusre shabdon mein kahen to search engines friendly nahi banaenge to chahe ham kitni bhi acchi post kyn na likh len, uska search result ranking increase hone mein badi muskil hogi. Isliye achhi aur unique post likhne ke saath hi hamen uska onpage aur off page seo bhi karna hota hai, jisse hamara post search result mein top page aur position par show ho sake aur hamen is post se achhi traffic bhi mil sake.

agar koi blogger blogging ke kshetra mein serious hai, to use apne blog par niyamit post writing ke sath hi in saari cheezon par bhi dhyan dena jaruri hota hai. Aap yah baat jaante hi honge aur aapne ise khud ke experiance se bhi dekha hoga ki jab aap koi bhi cheez online search karte hain, to first page par show hone wale results par hi click karte hain aur aapko jo jaankari chahiye hoti hai use read karte hain. isliye hamare liye yah bhaut hi jaruri hai ki ham jo bhi post likhen wo search engines me top position par show ho.

isi kadi mein aaj ham jaanenge ki custom permalink kya hai aur iski setting kaise karen. Saath hi ham ye bhi jaanege ki jo post hamne already publish kar diya hai, uski permalink ko kaise change karen. To aaieye jaante hain ki permalink kya hai aur iski setting kar kaise ham apne blog post ko search engines friendly banate hain aur automatic permalink ko change kaise karte hain.

[ Custom permalink kya hai aur iski setting kaise karen ] 

BLOGGER par jab bhi ham koi new post likhte hain, to blogger hamare post ke liye permalink sambandhi do options deta hai. Bloggger automatic permalink aur custom permalink. Pahle ham yahan yah jaan lete hain ki permalink kya hota hai. 

Permalink hamare dwara likhe gaye kisi post ka URL [ Uniform Resource Locator ] hota hai. Darasal yah us post ka link hota hai jis par click kar koi bhi hamare us post ko read kar sakta hai. Jaise ki maine upar kaha ki iska seo friendly hona bahut jaruri hota hai. Blogger mein by default hamare blog ke domain name ke baad year aur month [ jaise 2019/11 ] hamare post ke permalink mein add ho jata hai. ham jab bhi koi new post likhte hain to uske saath yah automatically jud jaata hai aur blogger mein ham is year aur month ko change nahi kar sakte. lkin uske baad ham is link ko apne manpasand tareeke se change kar sakte hain aur ise seo friendly bana sakte hain. To ab to aapne yah jaan hi liya hoga ki permalink kya hota hai. Aaieye ab ham yah jaan lete hain ki blogger mein permalink change kaise karen.

Blogger automatic permalink ko change kar custom permalink ki setting kaise karen

Custom permalink ki setting

1. Sabse pahle jab aap post likh len to right side mein aapko post setting ki kuchh options dikhayi denge. isme Permalink par click karen.

2. ab aap dekhenge ki blogger ne aapke like hue post ke liye ek automatic permalink set kar diya hai. ye setting aap dekhenge ki aaapke post title ke according ki gayi hoti hai jismen kabhi kabhi jab aap apni post title mein english ke kuchh words likhe hote hain to use add kar diya jaata hai. Yadi aapne koi english words nahi use kiya hai post title mein mein to yah setting kuchh is tarah hoti hai - 2019/10/ blog-post_12.html ya isi tarah kuchh aur. Yahan is tarah ke automatic setting se search engines ko yah samajhne mein problem hoti hai ki yah post kis baare mein hai. dhyan rahe ki search engines aapke permalink ko bhi focus karta hai aur phir use search result mein show karta hai. Atah yah permalink seo friendly hona bahut jaruri hai. 

3. ab aap custo permalink par click karen.

4. Ab box mein likhi hui cheez ko mita den aur apni post title se match karta hua permalink type karen. Permalink type karte samay yah dhyan rahe ki small letter ka hi use karen aur [ - ]  chihna ka use karen. aaieye ise example se samajhte hain.

Maana ki aap koi post likh rahen jiska title hai - BLOGSPOT PAR FREE MEIN APNA BLOG KAISE BANAYE. TO AAP ISKA PERMALINK KUCHH IS TARAH SET KAR SAKTE HAIN [ blogspot-par-free-blog-kaise-banaye ].html

Maana kisi post ka title hai - APNE BLOG YA WEBSITE KI TRAFFIC KAISE BADHAYEN - TO AAP ISKE CUSTOM PERMALINK KI SETTING KUCHH IS TARAH KAR SAKTE HAIN [ website-ki-traffic-kaise-badhaye].html

CUSTOM PERMALINK KI SETTING KE TIME RAKHEN IN BAATON KA KHAYAL

1. PERMALINK AAPKE POST TITLE SE MATCH KARTA HO
2. PERMALINK CHHOTA RAKHNA CHAHIYE
3. PERMALINK MEIN UNDERSCORE [ _] KA USE NA KAREN. SEARCH ENGINES ISE PASAND NAHI KARTA
4. PERMALINK ME ANK JAISE 1/2/3/4/10/15 AADI KA PRAYOG NA KAREN
5. PERMALINK ENGLISH KE SMALL LETTERS ME HI TYPE KAREN
6. CUSTOM PERMALINK KI SETTING KARTE TIME - CHINHA KA USE KAREN.

 

Aaieye ab jaante hain blogger blog me already publish post ka permalink kaise change karen

Dear friends, ab ham yah jaan lete hain ki blloger mein jo post ham already publish kar chuke hote hain, uska permalink kaise change karen. Doston, aisa hota hai jab ham is custom permalink ke baare mein jaante hain tab tak hmne kuchh post already publish kar diya ho. Yadi aapne bhi aisa kiya hai aur aap chahte hain ki is post ki permalink ko bhi custom dhang se setting ki jaye to aap aisa bilkul kar sakte hain. lekin yaad rahe ki permalink change karne ke baad jab bhi koi aapke purane wale link par click karega to use page not found ka error aayega. Aisa isliye hota hai wo post search engines mein already index ho chuke hote hain aur search result me show bhi hote hain, lkin chuki ab hamne us post ka URL change kar diya hai to 404 page not found ka error to aana lajimi hai.

Lkin iske liye bhi ghabrane ki koi jarurat nahi hai doston. Hamare paas iska bhi raasta hai. Ye error chuki ranking factor ko negatively asar daalte hain, isliye hame ise fix karna hota hai. iske do options hain hamare paas. Pahla ya to ham purane wale URL ko search engine se remove kar den aur doosra vikalp ye hai ki ham apne purane URL KO NEW URL PAR REDIRECT KAR DEN. 

To, baharhal ham yahan yah jaan lete hain ki already publish post ka URL yani permalink kaise change karen. Follow these steps ;-
Custom permalink ki setting kaise karen

1. Apne blogger dashboard par log in ho jayen.
2. Ab post-publish post par click karen.
3.Ab jis post ka aap permalink  change karna chahte hain us post par tick karen aur use revert to draft kar len. 
4.  Ab aap post setting mein apne post ka permalink upar btaye gaye tareeke se hi change kar sakte hain.

to aaj hamne yah jaana ki blogger mein post ka custom permalink setting kaise karte hain. Agar aapko is regarding koi prashn ho to aap hamen comment mein pooch sakte hain.

कोई टिप्पणी नहीं