Blogger Custom Robots Header Tags kya hai aur Iski Settings kaise kare

Blogger custom robots header tags kya hai aur iski setting kaise karen ? Friends ydi aap bhi ek blogger hain aur blogspot par aapka bhi koi blog hai, to aapke liye ye post kaam ka ho sakta hai. Friends blogger par free blog create karne ke bad hamen iski kuchh basic setting karni hoti hai. Yah setting hamare blog ki SEO ke lihaj se kaafi important hota hai. Isi ke uddeshya se aaj ham yahan jaanenge ki Blogger custom robots header tags kya hai aur iski setting kaise ki jaati hai. 


Blogger custom robots header tag kya hai ? Iski setting kaise karen ?


Pahle ham yah jaante hain ki custom robots header tags kya hai. Doston, custom robots header tags bhi robot.txt ki tarah hi blogger ke dwara hamare search preference mein uplabdh karaya gaya vikalp hai, jiske dwara ham search engine crawler ko yah batate hain ki use hamare blog ki kaun si saamgri index karni hai aur kise nhi karni hai. Antar yahi hai ki jahan robot.txt ek text format mein hota hai, wahin custom robots header tags ke andar hamen bas kuchh options ko check ya uncheck karna hota hai.

Custom Robots Header Tags Settings in Hindi


 Doston, hamare blog par yadi kuch aise content hain jisse hamare blog ki SEO par negative impact padta ho to hamen use search engine se hide karna hota hai. Is tarah doston yah blogger ki taraph se hamen ek option diya gaya hai jiska upyog kar ham apne blog ko SEO friendly bna sakte hain.

Jab bhi koi crawler, jaise google boat hamare blog ko index karne ke liye aata hai to sabse pahle wah isi robot.txt aur custom robots header tags ko dekhta hai aur phir usi ke according wah bot hamare blog ki content ko index karta hai. Ab to ham yah jaan chuke hain ki custom robots header tags kya hai. Aaieye ab ham jaante hain ki iski setting kaise ki jaati hai.

Blogger blog mein custom robots header tags ki setting kaise Karen ? [ how to set up custom robots header tags in hindi ]

Blogspot mein custom robots header tags ki setting kaise karte hain, ye jaane se pahle ham yah jaanenge ki usme available options ka matlab kya hota hai.to aaieye ek-ek kar ham yah jaante hain.


1.      all – All option se matlab hai ki ham bot yani crawler ko yah bata rahe hain ki wah hamare blog ki sabhi content ko index kare. Is prakar yah all option select karne par crawler par kisi tarah ka koi restrictions nahi hota hai aur wah hamare blog ki sabhi content ko index karega.

2.      noindex – isse matlab hai ki ham crawler ko hamare kisi bhi content ko index karne se rok rahe hain. Yah option select karne par crawler hamara koi content index nahi karega.

3.      nofollow – yah hamare blog ki jo links hote hain, use related hai. Yadi ham apne blog post ki kisi link ko index karne se rokna chate hain to ham yah option select kar sakte hain.

4.      none – yise select karne se hamare blog ka na to koi post index ho paega aur na hi iske link index ho paenge.

5.      noarchieve – is option se crawler hamare blog ki archeive ko index nhi karega.

6.      noodp – no odp se matlab hai ki bot hamare meta related data index nahi kar sakta.

7.      nosnippet – isse search result mein show kiye jane wale post ki snippppet show nahi ho paaenge.

8.      notranslate – search result mein show hone wale Translate this page ka option show nahi hoga.

9.      Noimageindex – aapke blog post ki koi image crawler index nahi kar paaega.

1   Unavailable_after – yadi aapki koi post kuchh samay baad relevant nahi rah jati aur aap kuchh samay baad ise search result se hide karna chahte hain, to uski date set kar aap is option ke dwara aisa kar sakte hain.

Friends, ab ham custom robots header tags ki sabhi terminologies ko jaan chuke hain. Ab ham iski setting aasani ke saath kar  sakte hain aur crawler ko yah direction de sakte hain ki use hamare kaun – kaun si content ko index karni hai aur kise nahi karna hai. Yah bahut hi important setting hoti hai aur SEO ke lihaj se toyah setting hame jarur karni chahiye. Isse hamare blog ki ranking bhi increase hoti hai aur ranking increase hone ka seedha matlab hamare blog par aane wale traffic se hai. TO aaieye jaante hain ise kaise set up karte hain. Is setting ke dwara aap bhi search engine ke through jyada traffic paa sakenge yani aapke organic traffic mein ijapha hoga.

[Aise karen custom robots header tags ki setting] - Step by Step

Custom robots header tags setting in hindi

NOTE - Aap iski setting bagair jaankari ke na karen, IS regarding aap WARNING dekh sakte hain.

1. sabse pahle aap blogger dashboard mein log in ho jayen.

2. left side mein setting par click karen.

3. Ab search prefrence par click karen.

4. Ab aapko crawlers and indexing wale header ke neeche Custom robots header tags par click karna hai.

5. Ab uske saamne edit par click karen. Yahan aap dher saare options dekh rahe honge, jinme sabhi ka jikra upar alredy kiya ja chuka hai. aapko upar image ki tarah hi options dikhayi denge. bagair kisi ghabrahat ke aap in aasan steps ko follow kar iski settings kar sakte hain.

6. Homepage - Is option mein aapko all aur noodp ko select karna hai.

7. Archive and search page - Is option mein aap noindex aur nooodp ko check kar den.

8. Default for posts and pages - Is option mein aap all aur noodp ko check kar den.

9. finally SAVE par click kar den.

That's all, aapne apne  blogspot blog mein custom robots header tags ki settings kar li hai.

To friends, is post mein hamne jaana ki blogger blog mein search prefrence ke andar jo hamen Custom Robots Header Tags ka option diya jata hai, wo kya hai aur ham kaise uski settings karte hain. Ise set kar lene se hamara blog search engine friendly banta hai aur ham search engines se jyada traffic yani organic traffic prapt kar paate hain. Is post ko apne social media account par share jarur karen, taaki aur log bhi is baare mein jaankari le sakenge. Post par aane ke liye shukriya. Keep visiting, Keep smiling.

कोई टिप्पणी नहीं

Blogger द्वारा संचालित.